Burimet e Vetëmenaxhimit

Ekzistojnë disa mënyra për të promovuar një shëndet më të mirë mendor

Mësoni më shumë si të ndihmoni veten tuaj dhe të menaxhoni depresionin

Lexoni rreth vetëmenaxhimit dhe kryeni testin vetëplotësues

Lexoni më tej

Kryeni testin vetëplotësues

Njohja e shenjave

Njohja e depresionit

Këtu janë simptomat më të zakonshme të depresionit:

  • Një person është i trishtuar dhe/ose i shqetësuar shumicën e kohës – ai/ajo mund t'i zbulojë këto ndjenja ose të tjerët mund të vërejnë se ndihen në këtë mënyrë duke pasur parasysh sjelljen e tij/saj
  • Një person ka humbur interesin dhe kënaqësinë në aktivitetet që i pëlqenin më parë - të dalë me miqtë, të shohë një ndeshje futbolli ose të kalojë kohë me familjen
  • Një person thotë se është i/e rraskapitur kronikisht
  • Një person shpreh faj të tepruar ose të pajustifikuar
  • Një person shpreh dëshpërim, pafuqi dhe pesimizëm
  • Një person ka humbje të oreksit, humbje peshe, pagjumësi ose fle shumë
  • Një person zbulon mendimet e vetëdëmtimit dhe madje edhe të vetëvrasjes.

Numri i simptomave të pranishme dhe ashpërsia e tyre mund të ndryshojnë nga personi në person, gjithashtu edhe simptomat mund të ndryshojnë me kalimin e kohës.

Depresioni kundrejt Shterimit profesional (Burnout)

Depresioni është i ndryshëm nga shterimi/rraskapitja profesional/e.

Depresioni mund të diagnostikohet nga psikiatër dhe profesionistë të caktuar të kujdesit shëndetësor në përputhje me kriteret diagnostike të pranuara ndërkombëtarisht. Ndërkohë nuk ka një diagnozë mjekësore për shterimin profesional, simptomat e mëposhtme janë dhënë në kontekstin e një vendi pune:

  • Lodhje fizike dhe emocionale dhe energjia e varfëruar;
  • Shkëputja nga puna, shpesh e shprehur si motivim i ulët, ndjenjë e dobët e kuptimit dhe cinizëm; dhe
  • Efikasiteti dhe produktiviteti i reduktuar profesional dhe mungesa e arritjeve.

Njerëzit që përjetojnë simptomat e mësipërme mund të jenë duke përjetuar shterim/rraskapitje profesional/e, por këto simptoma mund të jenë gjithashtu një shenjë e një sëmundjeje depresive, së bashku me ato të renditura në seksionin e mësipërm.

Trajtimi për depresionin është i ndryshëm nga ai për shterimin profesional.

Është e rëndësishme të merret një diagnozë nga një profesionist mjekësor për të përcaktuar nëse një person ka depresion. Nëse depresioni i tyre fshihet pas termit 'shterim profesional', ata nuk do të marrin ndihmën që u nevojitet.

Nëse një person ka depresion, trajtimi përbëhet nga psikoterapi dhe medikamente ose një kombinim i të dyjave. Trajtimi i lodhjes së tyre me më shumë gjumë ose me pushime nuk është i dobishëm dhe shpeshherë është edhe i dëmshëm.

Depresioni nuk largohet kur dikush është me pushime, sepse vetëm kushtet e punës nuk janë shkaku i depresionit të tij/saj. Hulumtimet tregojnë se gjumi më i gjatë mund të përkeqësojë depresionin dhe privimi terapeutik i gjumit është një trajtim për depresionin i cili ofrohet përmes trajtimit spitalor.

Nëse një person nuk diagnostikohet me depresion, por po përjeton shterim profesional, mund të jetë e nevojshme të marrë një periudhë për t'u rikuperuar dhe për të pushuar, përveç ndryshimeve strukturore në stilin e jetës dhe mjedisin e punës. Mbani mend, shterimi profesional është një gjendje rreziku që mund të çojë në sëmundje dytësore, siç është depresioni, ndaj, është e rëndësishme të kërkoni ndihmë për shterimin profesional.

Një atmosferë jostigmatizuese në vendin e punës dhe një sistem konfidencial përmes të cilit punonjësit mund të kërkojnë ndihmë, do t'i mundësojnë punonjësit të fitojë më shpejt kujdesin shëndetësor profesional. Në një atmosferë stigmatizuese, është edhe më e vështirë për një punonjës në depresion të kërkojë ndihmë profesionale ose të marrë mbështetje nga punëdhënësit e tyre për të gjetur kujdesin shëndetësor profesional që i nevojitet.

iFightDepression është një projekt i financuar dhe implementuar nga: