Çfarë ju duhet të dini për depresionin
Depresioni është një sëmundje e zakonshme në të gjithë botën, me më shumë se 300 milionë njerëz të prekur. Depresioni është i ndryshëm nga luhatjet e zakonshme të humorit dhe përgjigjet emocionale afatshkurtra ndaj sfidave në jetën e përditshme. Depresioni vjen nga një ndërveprim kompleks i faktorëve social, psikologjik dhe biologjik (Organizata Botërore e Shëndetësisë, WHO, 2017).
Depresioni është një sëmundje që përfshin jo vetëm mendjen apo trurin, por tërë trupin, duke ndikuar në mënyrën se si një person ha, fle, ndjen veten dhe mendon për gjëra. Nuk është një gjendje normale kalimtare e mendjes dhe nuk është as shenjë e dobësisë personale, as gjendje që dikush mund të 'dalë nga'.
Në përgjithësi, depresioni mund të prekë këdo: burra dhe gra nga të gjitha prejardhje, në të gjitha profesionet dhe në të gjitha fazat e jetës. Edhe njerëzit, jetët e të cilëve duken të lumtura dhe të kënaqura, mund të përjetojnë depresion.
Depresioni mund të trajtohet. Nëse mendoni se keni depresion, kërkoni ndihmë.
Informacion për profesionistët e kujdesit shëndetësor
Mjekët e përgjithshëm
Hapi i parë është të përcaktojë nëse një pacient po përjeton një episod depresiv. Në varësi të ashpërsisë së episodit depresiv, qasja më e mirë është të fillojë një farmakoterapi ose psikoterapi për të përmirësuar dhe mbështetur gjendjen normale.
Lexoni më tej
Farmacistët
Si farmacist, është e rëndësishme që të njiheni me disa fakte rreth depresionit për të ofruar sigurinë dhe mirëqenien e pacientëve tuaj.
Lexoni më tejInstrumenti iFightDepression
Instrumenti iFightDepression është një program online, që synon të ndihmojë individët me depresion të lehtë deri në të moderuar që të vetëmenaxhojnë simptomat e tyre nën udhëzimin e një profesionisti shëndetësor ose psikosocial.
