Për zgjedhjen e antidepresantit të duhur, mjeku juaj do të shqyrtojë disa faktorë: p.sh. simptomat mbizotëruese dhe kryesore, përvojën dhe mendimet tuaja të mëparshme, efektet anësore të mundshme.

Janë tri klasa kryesore të antidepresantëve:

• frenuesit selektiv të rikapjes së serotoninës (SSRIs): këto zakonisht shkaktojnë më pak efekte anësore
• antidepresant klasik tri- dhe tetraciklik (TCA): këto kanë më shumë gjasa të shkaktojnë efekte anësore, por mund të jenë efektive për raste më të rënda
• antidepresantë të rinj dhe atipikë, të cilët përgjithësisht tolerohen mire

Në disa raste, pacientët mund të preferojnë substanca natyrore, si p.sh. Lulebasani (hypericum perforatum). Kjo është në të vërtetë një SSRI natyrale dhe mund të jetë efektive. Një lloj tjetër ilaçi janë medikamentet për stabilizimin e gjendjes së humorit, dhe përdoret kryesisht për depresion bipolar.