Ashtu si presioni i gjakut, kolesteroli dhe glicemia, gjendja shpirtërore duhet të monitorohet në mënyrë rutinë nga punonjësit e kujdesit shëndetësor parësor sepse është një faktor rreziku për probleme të tjera shëndetësore, përveç efekteve të drejtpërdrejta në mirëqenie. Një mjek duhet të sigurojë që pacienti të mos lihet i padiagnostikuar, si dhe të interesohet nëse ka shërbime të tjera në klinikë të cilat adresojnë nevojat e pacientëve (shih Referimi për psikoedukim dhe/ose psikoterapi). Gjithashtu, mjekët mund të marrin në konsideratë gjurmimin rutinë të depresionit p.sh. të të gjithë pacientëve të rinj.

Ka shumë instrumente për gjurmimin e depresionit.

WHQ-5 mund të përdoret si një ndërhyrje fillestare e gjurmimit për depresion. Ky është një instrument i vlefshëm për gjurmimin e depresionit në kujdesin parësor, është i lehtë për t'u përdorur dhe i shkurtër me vetëm pesë pika, të gjitha të përshtatura pozitivisht (pa përmendur "depresionin" në mënyrë të drejtpërdrejtë). Nëse rezultati i pacientit është më i vogël ose i barabartë me 13, ata mund të përjetojnë një episod depresiv (ndjeshmëria 80%). Te këta pacientë, diagnoza duhet të hulumtohet më tej nga mjeku i përgjithshëm.

Një tjetër mjet gjumues për përdorim në kujdesin primar është PHQ-9, i cili lejon mjekun e përgjithshëm të identifikojë ashpërsinë e simptomave depresive dhe shkallën e dëmtimit funksional. Ky mjet është gjithashtu i vlefshëm dhe i ndjeshëm ndaj ndryshimit me kalimin e kohës. Një rezultat prej 5-9 sugjeron depresion të butë, 10-14 sugjeron depresion të moderuar, dhe 15+ tregon depresion të rëndë. Vëmendje e veçantë duhet t'i kushtohet përgjigjeve pohuese në pikën 9 ("mendime të tipit:”…se do të ishte më mirë sikur të kishit vdekur ose të dëmtoni veten në një farë mënyre").

Sfidat më të rëndësishme në diagnostikimin e depresionit janë të dyfishta:

• Bëni dallimin midis depresionit dhe gjendjes depresive, e cila është një ndjenjë normale ose kalimtare depresive;
• Mos minimizoni ndikimin e simptomave të lehta të depresionit, të cilat mund të jenë të shërueshme;

Ekzistojnë disa aspekte të një episodi depresiv që tregojnë se sa i rëndë është ai, përfshirë apatinë, mpirjen emocionale, ndjenjat e fajit, mungesën e rëndë të shpresës, luhatjet e përditshme të humorit, vetëvrasjen, simptomat psikotike dhe ndryshimet në personalitet.

Jeni i interesuar për përmirësimin e aftësive diagnostikuese? E-mail gillian.karwig <at> ucc.ie, duke deklaruar interesim në ndjekjen e trajnimit përkatës.