Sfidimi i miteve për antidepresivët

Përkundër efektivitetit të provuar të ilaçeve kundër depresionit, ka shumë shqetësime dhe supozime të gabuara në popullatën e përgjithshme.

Mund të jetë e dobishme për ju të dini sa vijon:

Pse ilaçet?
Disa njerëz pyesin veten sesi mund t'i ndihmojë ilaçi me një çrregullim mendor si depresioni, sidomos kur ata e konsiderojnë një punë stresuese, kanë probleme në marrëdhëniet e tyre ose në një situatë tjetër të vështirë të jetës, si shkaku i gjendjes së tyre aktuale. Natyrisht, medikamentet nuk mund t'i zgjidhin këto probleme, por me një terapi efektive psikofarmakologjike që synon trajtimin e simptomave depresive, kjo u mundëson pacientëve të kërkojnë zgjidhje në mënyrë aktive ndaj problemeve jetësore. Është e rëndësishme që pacientët të angazhohen personalisht në trajtimin me antidepresantë ose ilaçe të tjera të përdorura për trajtimin e depresionit. Vetëm nëse ndihen rehat dhe të sigurt me trajtimin, ata do të përdorin ilaçet rregullisht dhe për një periudhe të gjatë kohore.

Karakteristikat e antidepresivëve:

• Antidepresivët nuk japin varësi.
• Antidepresivët nuk ndryshojnë personalitetin e një personi.
• Antidepresivët nuk janë droga stimuluese ose qetësues, dhe nuk e bëjnë personin të ndihet me humor/disponim të lartë.
• Antidepresivët kanë një efekt mbi transmetuesit në tru.
• Antidepresivët nuk punojnë menjëherë.
• Antidepresivët nuk janë antipsikotikë.

Antidepresivët nuk reagojnë menjëherë

• Pavarësisht trajtimit mjekësor, duhet kohë që pacienti të fillojë të ndihet më mirë
• Normalisht nevojiten 2 deri 6 javë të marrjes së rregullt për përmirësim.
• Efektet anësore për fat të keq mund të vërehen menjëherë, por do të jenë të përkohshme në shumicën e rasteve