Çfarë duhet të dini për depresionin
Depresioni është një sëmundje e zakonshme në të gjithë botën, me më shumë se 300 milionë njerëz të prekur. Depresioni është i ndryshëm nga luhatjet e zakonshme të humorit dhe përgjigjet emocionale afatshkurtra ndaj sfidave në jetën e përditshme. Depresioni vjen nga një ndërveprim kompleks i faktorëve social, psikologjik dhe biologjik (Organizata Botërore e Shëndetësisë, WHO, 2017).
Depresioni është një sëmundje që përfshin jo vetëm mendjen apo trurin, por tërë trupin, duke ndikuar në mënyrën se si një person ha, fle, ndjen veten dhe për veten si edhe mendon për gjërat. Nuk është një gjendje normale kalimtare e mendjes dhe nuk është as shenjë e dobësisë personale, as gjendje që mund të 'dalë nga'.
Në përgjithësi, depresioni mund të prekë këdo: burra dhe gra nga të gjitha prejardhjet, në të gjitha profesionet dhe në të gjitha fazat e jetës. Edhe njerëzit, jetët e të cilëve duken të lumtura dhe të kënaqur, mund të përjetojnë depresion.
Depresioni mund të trajtohet. Nëse mendoni se keni depresion, kërkoni ndihmë.
Informacioni për komunitetin e profesionistëve
Media
Mediat kanë një rol të rëndësishëm në uljen e stigmës duke rritur ndërgjegjësimin për simptomat dhe prevalencën e depresionit, si dhe mbajtjen e dialogut të hapur dhe të dobishëm rreth shkaqeve dhe trajtimit të sëmundjes.
Lexoni më tej
Mësuesit
Shkolla është një arenë e rëndësishme për identifikimin dhe parandalimin e problemeve të shëndetit mendor. Është e zakonshme që një mësues të dyshojë se diçka është e gabuar kur sjellja e një nxënësi dhe rezultatet akademike ndryshojnë me kalimin e kohës. Fatkeqësisht, këto ndryshime mund t'i atribuohen shkaqeve të tjera dhe mund të humbasë një mundësi e vlefshme për të ndërhyrë.
Lexoni më tej
Përfaqësuesit fetarë
Anëtarët e klerit luajnë një rol të rëndësishëm në komunitet dhe janë në një pozitë unike për të ofruar ngushëllim dhe udhëzime për ata që po përjetojnë vështirësi në jetën e tyre.
Lexoni më tej
Policët
Oficerët e policisë rregullisht janë në kontakt me individë në depresion dhe vetëvrasje, veçanërisht në tre muajt që çojnë në vetëvrasje. Ekzistojnë shumë skenarë të mundshëm për t'u ballafaquar me sjellje vetëvrasëse gjatë punës së policisë.
Lexoni më tejiFightDepression Tool
Instrumenti iFightDepression është një program online, që synon të ndihmojë individët me depresion të lehtë deri në të moderuar që të vetëmenaxhojnë simptomat e tyre nën udhëzimin e një profesionisti shëndetësor ose psikosocial. Nëse mjeku juaj i familjes ose profesionisti i kujdesit shëndetësor ju ka rekomanduar përdorimin e këtij instrumenti dhe keni një llogari personale, klikoni butonin këtu:
